Mae'r cynllun yn seiliedig ar bafiliwn criced traddodiadol gan y credir bod y math hwn o adeilad eiconig yn eistedd yn gyfforddus mewn lleoliad gwledig/meysydd chwarae agored.  Er hynny, nod y cynllun oedd creu 'adeilad o'i amser' a'r canlyniad yw cyfuniad o waith pensaerniaeth traddodiadol a modern.

Mae'r adeilad wedi'i ganolbwyntio o amgylch y meysydd chwarae criced a rygbi ac felly mae'n arddangos dau wyneb.  Adeiladwyd wal ffin o garreg pennant 3m o uchder ar hyd Broadway gyda'r adeilad newydd wedi'i adeiladu yn ei erbyn.